Mahir Emreli Almaniyada turun rəmzi komandasına düşüb

“Nürnberq”də çıxış edən Azərbaycan millisinin hücumçusu Mahir Emreli 2-ci Bundesliqada 34-cü turun rəmzi komandasına düşüb.

Komanda.az xəbər verir ki, bu barədə klubun mətbuat xidməti məlumat yayıb.

27 yaşlı hücumçu 3-4-3 sxeminə əsasən tərtib olunan “11-lik”də hücumun mərkəzində yer alıb.

Mövsümün əvvəlində 2-ci Bundesliqa təmsilçisinə keçən Mahir Emrelinin müqaviləsinin müddəti uzadılmayıb. O, “Nürnberq”in heyətində çempionatda 10, ölkə kubokunda 1 qola imza atıb.