Mahir Emreli aktrisanın qonağı oldu

Azərbaycan millisinin və Almaniyanın “Kayzerslautern” klubunun futbolçusu Mahir Emreli aktrisa Məlahət Abbasovanın qonağı olub. 

Komanda.az xəbər verir ki, aktrisa birlikdə olan fotolarını sosial şəbəkədə paylaşıb. Şəkildə Abbasovanın qızı Sude, Mahirin bacısı Aişə də yer alıb. 

Aktrisa futbolçunun ad gününü təbrik edərək, “Azərbaycanımızın qüruru, canım Mahir. Ad günün mübarək. Sənə sağlamlıq, hüzur, futbol həyatında sonsuz uğurlar diləyirəm. Yaxşı ki, varsan! Allah səni və gözəl ailəni qorusun. Hamınızı çox sevirəm. Sonsuz sevgilər” sözlərini yazıb.

Emreli isə ona “Canımız, fəxrimiz, ailəmizin sevimlisi, yaşayan əfsanəmiz, sağ olun. Sevinirəm ki, sizi tanıyıram” cavabını verib.