Məsut Özil “Qarabağ”ın məşqini izlədi

Almaniya millisinin sabiq futbolçusu Məsut Özil “Qarabağ”ın qonağı olub.

Komanda.az xəbər verir ki, keçmiş futbolçu “Azərsun Arena”da “köhlən atlar”ın açıq məşqini izləyib.

Hazırlıq prosesini Bakıda səfərdə olan professor İrfan Gündüzün rəhbərlik etdiyi nümayəndə heyəti, Ağdam təmsilçisinin rəsmi şəxsləri və çox sayda azarkeş də izləyib.

Özil karyerası ərzində Almaniyada “Şalke”, “Verder”, İspaniyada “Real”, İngiltərədə “Arsenal”, Türkiyədə “Fənərbaxça” və “Başakşəhər” kimi klubların formasını geyinib. O, 2014-cü ildə Almaniya yığması ilə dünya çempionu olub.