“Məşqlərimizə və futbola ən qısa vaxtda qayıtmaq hamımızın istəyidir” – Miçel

“Qarabağ”ın futbolçusu Miçel açıqlama verib.

Komanda.az xəbər verir ki, “Lavozdeasturias” nəşrinə danışan ispan futbolçu, koronavirus pandemiyası səbəbiylə Azərbaycanda yaranan vəziyyət və ölkəsi barədə danışıb:

“Burda 1100 nəfərdən çox insan virusa yoluxub. Aprelin 20-dək evdə qalmağımız lazımdır. Çölə çıxarkən SMS göndərməliyik. Çempionatların taleyinin necə olacağını isə ayın 23-də UEFA İcraiyyə Komitəsinin iclasından sonra biləcəyik.

İspaniyanın yaxşılaşmasını görmək istəyirəm. Hər şeyin daha az ölümlə həll olunacağına ümid edirəm. Məşqlərimizə və futbola ən qısa vaxtda qayıtmaq hamımızın istəyidir”.