Məsiyev Avropa çempionatının elit-raunduna təyinat alıb

Azərbaycanın FİFA hakimləri 19 yaşadək futbolçulardan ibarət komandalar arasında Avropa çempionatının elit-raund mərhələsinin oyunlarına təyinat alıblar.

Komanda.az AFFA-nın rəsmi saytına istinadən xəbər verir ki, əsas referi Elçin Məsiyev və köməkçi Pərvin Talıbov martın 22-dən 28-dək Polşada təşkil ediləcək 6-cı qrupun matçlarında iş başında olacaqlar.

Həmin qrupda İsrail, Polşa, Serbiya və Latviya milliləri mübarizə aparacaq.