“Bu, hər kəs üçün böyük xoşbəxtlikdir” – “Real”ı məğlub edən məşqçi

“Atletik”in baş məşqçisi Ernesto Valverde “Real” üzərindəki qələbəni (2:1) şərh edib.

Komanda.az Bilbao klubunun mətbuat xidmətinə istinadən xəbər verir ki, ispaniyalı çalışdırıcı bunun hər kəs üçün böyük xoşbəxtlik olduğunu bildirib:

“Bu, hər kəs üçün böyük xoşbəxtlikdir. Bizə daha çox inam verən ən vacib şey üç xaldır. Mümkün qədər yüksək səviyyəyə çatmaq üçün mübarizə aparırıq. Məqsədimiz ötənilki nəticəni təkrarlamağa çalışmaqdır.

Heyətdə çox sayda gənc oyunçu varmı? Təcrübə oyun vasitəsilə əldə edilir. Meydanda “Real”la oyundan sonra inkişaf edən gənc futbolçular var idi.

Rəqibin qaçırdığı penalti xilasımız oldu? Düşünürəm ki, bizdə dünyanın ən yaxşı qapıçıları var”.

“Atletik” 16 turdan sonra 29 xalla İspaniya çempionatının turnir cədvəlində 4-cü pillədə qərarlaşıb. Komanda “Real”dan 4, lider “Barselona”dan 8 xal geri qalır.