“Məqsədimiz ilk 4-lüyə düşməkdir” – Alleqri

“Yuventus”un baş məşqçisi Massimiliano Alleqri “İnter”lə heç-heçəni (1:1) şərh edib.

Komanda.az “Football Italia”-ya istinadən xəbər verir ki, italiyalı mütəxəssis sadə qol buraxdıqlarını bildirib:

“Çox sadə qol buraxdıq, xüsusən də, bu, hesabı açandan bir neçə dəqiqə sonra baş verdiyi üçün. “İnter” artıq göstərdi ki, qaçmağa yeri olanda oynamaq onun üçün asanlaşır. Biz bilirdik ki, onlar ilkin xətdən aşağı çarpazlar etməyi xoşlayırlar, bunun üzərində işləyirdik, amma yenə də əldən verdik.

Məqsədimiz ilk 4-lüyə düşməkdir. Səhvlərimizi gözləyən komandaya qarşı matça düzgün yanaşdıq, bu, bizim yetkinliyimizin nümayişi idi. Qoldan qaçmaq olardı, lakin bu, yüksək səviyyəli komandalarla matçlarda normaldır”.

“Yuventus” 30 xalla A Seriyasında ikincidir. Turnir cədvəlinə 32 xalla “İnter” başçılıq edir.