“Mənim yerimdə başqa məşqçi olsaydı…” – Mourinyo

“Roma”nın baş məşqçisi Joze Mourinyo kluba qarşı olan çoxlu tənqidlərdən danışıb.

Komanda.az xarici KİV-ə istinadən xəbər verir ki, o, bu tənqidlərin komanda üçün problem olduğunu söyləyib:

“Klub çox tənqid olunur və çox zəif müdafiə olunur. Bəzi daxili hadisələr bu tənqidləri artırır. Mənim yerimdə başqa məşqçi olsaydı, başqa klub olsaydı, hər şey tamam başqa olardı. Şəxsən mənim üçün bu problem deyil, çünki bu, karyeram boyu başıma gəlib. 10 il əvvəl bu məni narahat etmirdisə, indi niyə narahat etməlidir? Amma düşünürəm ki, bu, komanda üçün problemdir, çünki futbolçular daha çox şeyə layiqdirlər. Və bu, daha yaxşısına layiq olan azarkeşlər üçün problemdir”.

12 turdan sonra “Roma” 18 xalla A Seriyasında 7-ci pillədə qərarlaşıb.