“Salah dünyanın ən yaxşı futbolçusudur”

“Real”ın və Niderland millisinin sabiq yarımmüdafiəçisi Rafael van der Vart “Liverpul”un hücumçusu Məhəmməd Salahı hazırda dünyanın ən yaxşı futbolçusu hesab edir.

Komanda.az xarici KİV-ə istinadən xəbər verir ki, niderlandlı sabiq futbolçu bu haqda belə deyib:

“Məncə, bəli, Salah dünyanın ən yaxşı futbolçusudur. Mən Kilian Mbappenin istedadının böyük pərəstişkarıyam, amma indi o, bacardığı hər şeyi göstərmir. Vinisius Junior da var, lakin Salah bu illər ərzində sabit qalıb. Aydındır ki, o, “Liverpul”da özünü evdəki kimi hiss edir və orada qalmalıdır.

Eyni şey Trent Aleksander-Arnold və Vircil van Dayk üçün də keçərlidir, onlar da “Liverpul”da qalmalıdırlar. “Liverpul” hazırda yaxşı vəziyyətdə olan nəhəng klubdur. Lakin inkar edilə bilməyən budur ki, ən yaxşı yeganə klub “Real”dır”.