“Tonali texniki cəhətdən məndən qat-qat üstündür” – Qattuzo

İtaliya millisinin baş məşqçisi Cennaro Qattuzo yarımmüdafiəçi Sandro Tonali ilə öz oyun üslubu arasında müqayisəyə münasibət bildirib.

“Nyukasl”ın futbolçusu İsrailə qarşı (5:4) keçirilən matçda qələbə qolunu əlavə vaxtda vuraraq, italiyalılara qələbə qazandırıb.

Komanda.az xəbər ki, 47 yaşlı çalışdırıcı oyundan sonra keçirilən mətbuat konfransında Tonalinin texniki cəhətdən ondan qat-qat üstün olduğunu bildirib:

“Tonali texniki cəhətdən məndən qat-qat üstündür. Mən topa bu qədər ustalıqla sahib ola bilmirdim. Ola bilsin, taktiki baxımdan daha yaxşı idim, amma o hələ də öyrənir. Bütün futbolçularımız inkişaf prosesindədir və onların əzmkarlığına görə minnətdaram”.

Qattuzo iyun ayında İtaliya millisinin baş məşqçisi postuna təyin olunub və bu vəzifədə Luçano Spallettini əvəz edib.