“Mən məsuliyyəti öz üzərimə götürüb, səhvimi düzəltməyə hazıram” – Emeri

“Aston Villa”nın baş məşqçisi Unay Emeri “Nottingem Forest”ə məğlubiyyəti (0:2) şərh edib.

Komanda.az klubun mətbuat xidmətinə istinadən xəbər verir ki, 52 yaşlı mütəxəssis məyus olduğunu bildirib:

“Məyus oldum. Bu mövsümə startımız çətin oldu – “Nyukasl”, “Liverpul”. Evdə çox yaxşı nəticələr göstərməyə davam etdik və xal toplamışdıq. Cədvəldə 5-ci idik. Bu gün ilk dördlüyə düşməyə çalışmaq üçün çox yaxşı fürsətimiz oldu. Bunu edə bilmədik, səhvlərlə oynadıq, qayıdıb nəticə əldə etməyə çalışdıq. Premyer Liqada digər komanda birinci qol vuranda səfərdə oynamaq çox çətindir. Onlar ilham aldılar. Şanslar, künc zərbələri yaratdıq, lakin bu, qələbə üçün kifayət etmədi. Mən məsuliyyəti öz üzərimə götürüb, səhvimi düzəltməyə hazıram”.

“Aston Villa” İngiltərə Premyer Liqasının cari mövsümündə 11 turdan sonra 22 xal toplayıb və hazırda 5-ci pillədə qərarlaşıb.