“Mbappenin “Real”da uğur qazanacağına həmişə inanırdım” – Rivaldo

Braziliya millisinin və “Barselona”nın sabiq hücumçusu Rivaldo Kilian Mbappenin “Real”dakı çıxışı ilə bağlı fikirlərini bölüşüb.

Komanda.az “Diario Sport”-a istinadən xəbər verir ki, o, fransalı futbolçunun daha çox uğur qazanacağına inanır:

“Mbappe çətin bir başlanğıc etdi, amma mən onun “Real”da uğur qazanacağına həmişə inanırdım. O, fərqlənəcək və çox qol vuracaq. O, dünyanın ən yaxşılarından biri olmaq və “Real”da oynamaq üçün kifayət qədər istedada malikdir. Uyğunlaşmaq üçün bir az vaxt lazım olacaq. Amma əminəm ki, bundan sonra o, komandanın lideri və “qızıl top”un favoriti olacaq”.