“Mən həmişə “Çelsi”yə inanacam” – Fernandes

“Çelsi”nin yarımmüdafiəçisi Enzo Fernandes davamlı uğursuzluqlara baxmayaraq, komandaya inandığını bildirib.

Komanda.az xəbər verir ki, klubun rəsmi saytına danışan argentinalı futbolçu, əsas məqsədin kuboklar qazanmaq olduğunu deyib:

“Mən həmişə “Çelsi”yə inanacam. Hər matçda qalib gəlməyə və peşəkarcasına irəliləməyə çalışacam. Əsas məqsəd kuboklar qazanmaq və futboldan həzz almaqdır”.

İngiltərə Premyer Liqasının 23 turundan sonra “Çelsi” turnir cədvəlinin 10-cu pilləsində qərarlaşıb. “Zadəganlar” fevralın 26-da “Tottenhem”lə qarşılaşacaq.