“Mən hələ qalib gəlməkdən yorulmamışam”

Yay transfer pəncərəsində “Barselona”ya qoşulan yarımmüdafiəçi Dani Olmo komandasının iddialarından danışıb.

Komanda.az “Marca”-ya istinadən xəbər verir ki, ispaniyalı futbolçu qalib gəlməkdən yorulmadığını bildirib:

“Bu yaxınlarda İspaniya millisinin heyətində Avropa çempionu oldum. Mən hələ qalib gəlməkdən yorulmamışam. Mümkün qədər çox titul qazanmaq istəyirəm. Komandamızda bütün oyunçular “Barselona” ilə yeni kuboklara can atırlar”.

Olmo 55 milyon avroya Almaniyanın “Leyptsiq” klubundan “Barselona”ya keçib. O, Kataloniya klubu ilə 6 illik müqavilə imzalayıb.

26 yaşlı futbolçu İspaniya çempionatının cari mövsümündə keçirdiyi 2 oyunda 2 qol vurub.