Slot: “Mən bunu Salahla müzakirə etməmişəm”

“Liverpul”un baş məşqçisi Arne Slot Məhəmməd Salahın başa çatmaqda olan müqaviləsi ilə bağlı danışıb.

Komanda.az UEFA-nın mətbuat xidmətinə istinadən xəbər verir ki, niderlandlı çalışdırıcı bunu Salahla müzakirə etmədiyini bildirib:

“Mən bunu Salahla müzakirə etməmişəm. Onun müqaviləsi yayda başa çatacaq, o vaxta qədər bizimlədir, qalanı isə hələ də bəlli deyil. İndi bütün diqqətimizi matçlara yönəltmişik”.

Misirli forvardın müqaviləsi gələn ilin yayına qədərdir. Onun növbəti mövsümdə “qırmızılar”da çıxış edib-etməyəcəyi hələlik məlum deyil.

32 yaşlı hücumçu bu mövsüm “Liverpul”da keçirdiyi 15 oyunda 9 qol vurub və 7 məhsuldar ötürmə edib.