“13 ildir görmədiyim bir şey gördüm” – PSJ-nin prezidenti

PSJ-nin prezidenti Nasser Əl-Xələfi Çempionlar Liqasının 1/4 final mərhələsinin “Barselona” ilə cavab oyunundan (4:1, ümumi hesab 6:4) danışıb.

Komanda.az UEFA-nın mətbuat xidmətinə istinadən xəbər verir ki, o, komandasının çıxışını yüksək qiymətləndirib:

“Bu, klub üçün əla andır. Burada qalib gəlmək asan deyil, amma buna əmin idim. İlk oyundan əvvəl, ondan sonra, bugünkü oyundan əvvəl və hətta ilk qoldan sonra da əmin idim. Mən həqiqətən əmin idim. 13 ildir görmədiyim bir şey gördüm: bütün komanda bir yerdə idi, hamı bir-biri üçün mübarizə aparırdı”.