“Çelsi” hələ heç bir böyük komandanı məğlub etməyib” – Anri

“Barselona”nın sabiq hücumçusu Tyerri Anri “Çelsi”nin cari mövsümdəki çıxışını dəyərləndirib.

Komanda.az xəbər verir ki, fransalı keçmiş futbolçu “Sky Sports”-a açıqlamasında bunu deyib:

“Çelsi” hələ heç bir böyük komandanı məğlub etməyib. Mənə göstər ki, “Mançester Siti”, “Liverpul” və ya “Arsenal”ı məğlub edə bilərsən”.

Londonlular hazırda ardıcıl 7 qələbə qazanıblar. Komanda növbəti matçını dekabrın 19-da, Konfrans Liqasının 6-cı turunda evdə “Şemrok Rovers”lə keçirəcək.

“Çelsi” 16 turun nəticələrinə əsasən, İngiltərə Premyer Liqasının turnir cədvəlində 2-ci pillədə qərarlaşıb.