Məsiyev “Bayern”in oyununu idarə edəcək

Azərbaycanın FİFA referisi Elçin Məsiyev UEFA-dan təyinat alıb.

Komanda.az AFFA-nın rəsmi saytına istinadən xəbər verir ki, o, Almaniyada “Bayern” və Danimarkanın “Kopenhagen” klublarının U-19 komandaları arasında keçiriləcək Gənclər Liqasının A qrupunun matçını idarə edəcək.

Məsiyevə Pərvin Talıbov və Rəhman İmami kömək edəcəklər. Dördüncü hakim funksiyasının Mixael Baxer (Almaniya) yerinə yetirəcək.

Qarşılaşma noyabrın 29-da Münhendə təşkil olunacaq.