Məşhur şahmat ustası Bakıya gəlib

Belarus şahmatçısı, beynəlxalq usta, məşqçi Mixail Şereşevski Bakıda səfərdədir.

Şahmat federasiyasından Komanda.az-a verilən məlumata görə, tanınmış məşqçi bir müddət gənc və yeniyetmə şahmatçılar, o cümlədən qadınlardan ibarət Azərbaycan yığmasının hazırlığı ilə məşğul olacaq.

Azərbaycan Şahmat Federasiyası yeniyetmə və gənclərin, eyni zamanda qadınlardan ibarət yığma komandanın hazırlıq səviyyəsini artırmaq üçün Mixail Şereşevskinin təlim-məşq toplanışına cəlb olunması barədə qərar qəbul edib. Hazırlıq şahmatçıların fərdi inkişafına uyğun xüsusi proqramla keçiriləcək.

Son illər Mixail Şereşevski sabiq dünya çempionu Vladimir Kramnikin Soçidə yerləşən “Sirius” şahmat məktəbində böyük məşqçi kimi fəaliyyət göstərir.