Məşhur şərhçi vəfat etdi

Məşhur idman şərhçisi Vladimir Pisarevski 87 yaşında vəfat edib.

Komanda.az xəbər verir ki, bu barədə TASS məlumat yayıb.

Agentlik şərhçinin qızı Anastasiya Pisarevskayanın məlumatlarına istinad edib.

Onun sözlərinə görə, atası ilə vida mərasimi fevralın 21-də baş tutacaq, Pisarevski Moskvadakı Vaqankovski qəbiristanlığında dəfn ediləcək.

Vladimir Pisarevski 1950-ci illərdə Moskvanın “Dinamo”, Çelyabinskin “Traktor”, Voskresenskin “Ximik” komandalarında xokkey oynayıb.

Karyerasını bitirdikdən sonra SSRİ Dövlət Radio və Televiziyasında şərhçi işləyib. Pisarevski 26 dünya çempionatında oyunları şərh edib.