“Mən Kavani və Osimhen arasında heç bir oxşarlıq tapmıram”

“Napoli”nin sabiq hücumçusu Edinson Kavaninin keçmiş agenti Klaudio Anelluççi uruqvaylı futbolçunu komandanın indiki forvardı Viktor Osimhenlə müqayisə edib.

Komanda.az xarici KİV-ə istinadən xəbər verir ki, o, bu müqayisədə üstünlüyü Kavaniyə verib:

“Mən Kavani və Osimhen arasında heç bir oxşarlıq tapmıram. Nigeriyalı forvard mövsümün göstərdiyi kimi, əlbəttə ki, vacib oyunçudur. Ola bilsin ki, mən ürəyimlə seçim edirəm, amma mənim üçün Kavani hələ də “Napoli”nin hazırkı “9 nömrə”sindən üstündür”.

36 yaşlı Kavani 2010-2013-cü illərdə “Napoli”də çıxış edib. O, İtaliya klubunda 138 oyun keçirib, 104 qol vurub və 14 məhsuldar ötürmə edib.