Qvardiola: “Biz çıxış yolu tapmalıyıq”

“Mançester Siti”nin baş məşqçisi Pep Qvardiola komandanın problemlərinin həlli istiqamətində görülən işlərdən danışıb.

Komanda.az “City Xtra”-ya istinadən xəbər verir ki, ispaniyalı çalışdırıcı “Everton”la oyun haqqında düşündüklərini bildirib:

“Mən oxuyuram, futbolçular öyrənirlər. Biz “Everton” haqqında düşünürük, çox da irəli baxmırıq. Cavabımı təqdim etmək üçün buradayam, amma verəcək cavabım yoxdur. Bu komanda uzun müddətdir ki, sabit idi, biz bütün rekordları qırmışıq, amma indi bunun əksindəyik. Biz çıxış yolu tapmalıyıq. Bu, getdikcə çətinləşir, amma biz çalışırıq”.

“Şəhərlilər” bütün yarışlarda keçirdiyi son 12 matçda 9 məğlubiyyət alıb. İngiltərənin hazırkı çempionu dekabrın 27-də doğma meydanda “Everton”u qəbul edəcək.