“Mən hələ də “İnter”i favorit hesab edirəm”

“İnter”in sabiq futbolçusu Kristian Vyeri komandanın İtaliya çempionluğu tituluna əsas namizəd olduğunu düşünür.

Komanda.az xarici KİV-ə istinadən xəbər verir ki, o, milanlıların son mövsümdə “Napoli”yə uduzsa da, favorit olduğunu söyləyib:

“Mən hələ də “İnter”i favorit hesab edirəm. Ən güclü heyət! “Napoli” keçən mövsüm qalib gəlsə də, ümumilikdə “İnter”ə uduzub”.

“İnter” İtaliya A Seriyasının yeni mövsümünə “Torino” üzərində 5:0 hesablı qələbə ilə başlayıb. Lakin daha sonra komanda rumıniyalı mütəxəssis Kristian Kivunun rəhbərliyi ilə “Udineze”yə 1:2 hesabı ilə uduzub.