“Məğlubiyyət acı verir” – Markinyos

PSJ-nin kapitanı Markinyos Fransa kubokunun 1/8 finalının “Marsel”lə oyununu (1:2) dəyərləndirib.

Komanda.az “Ekip” nəşrinə istinadən xəbər verir ki, o, Marsel təmsilçisini çox güclü rəqib adlandırıb:

“Rəqibin çox təzyiq göstərəcəyini bilirdik. Lakin bizə baha başa gələn bir neçə səhvə yol verdik. Məğlubiyyət acı verir. Çünki çox güclü və əsas rəqibimizə kubok oyununda uduzduq.

Evə qələbə ilə qayıtmaq istəyirdik. Biz üzərimizdə daha da yaxşı işləməli, çoxlu məşq etməli və irəliyə baxmağa davam etməliyik”.

“Marsel”in 1/4 finaldakı rəqibi püşkatmadan sonra bəlli olacaq.