“Atletiko” “Real”ın qapıçısını transfer edə bilər

“Real”ın qapıçısı Andrey Lunin yay transfer pəncərəsində komandasını dəyişə bilər.

Komanda.az “Relevo”-ya istinadən xəbər verir ki, ukraynalı qolkiper karyerasını İspaniyanın başqa klubunda davam etdirə bilər. “Atletiko” Luninin xidmətində maraqlıdır və onu Yan Oblakın əvəzləyicisi kimi nəzərdən keçirir. Sloveniyalı qolkiper yayda başqa komandaya keçə bilər.

25 yaşlı Lunin “kral klubu”nun əsas komandasına qayıdan belçikalı qapıçı Tibo Kurtuanın kölgəsində qalmaq istəmir.

Lunin 2018-ci ilin yayından “Real”da çıxış edir. Onun klubla müqaviləsi 2025-ci ilin ortalarına qədərdir və transfer qiyməti 16 milyon avrodur.