“Liverpul” ukraynalı futbolçunu istəyir

Ukrayna millisinin və “Real”ın qapıçısı Andrey Lunin “Liverpul”a keçə bilər.

Komanda.az “Teamtalk”-a istinadən xəbər verir ki, “Liverpul” ukraynalı futbolçunun xidmətində maraqlıdır. İngiltərə klubu Lunini Səudiyyə Ərəbistanına gedəcək qolkiper Alisson Bekkerin əvəzləyicisi kimi görür.

25 yaşlı qapıçı 2018-ci ilin yayından “Real”da çıxış edir. Tərəflər arasında müqavilə 2025-ci ilin iyunun sonunda başa çatır.