Fransanın tarixinə düşən qardaşlar

Lukas Hernandes və Teo Hernandes qardaşları Fransa millisinin tarixinə düşüb.

Komanda.az xəbər verir ki, bu barədə UEFA Millətlər Liqasının “tvitter” hesabı paylaşım edib. Lukas və Teo Fransa millisinin Millətlər Liqasında Belçikaya qarşı keçirdiyi oyunda əsas heyətdə yer alıblar.

Müdafiəçilər 1974-cü ildən sonra Fransa millisiylə əsas heyətdə matça çıxan ilk qardaşlar olub. Daha əvvəl – 1974-cü ildə Jan Loren və Lyusen Loren Fransa yığması ilə bir matçda əsas heyətdə yer almışdılar.

Fransa millisi Millətlər Liqasının yarımfinalında Belçikanı 3:2 hesabıyla məğlub edib. Fransa millisinə qələbəni gətirən qolu Teo Hernandes vurub.