Lukakunun narazı olduğu məsələ

“Çelsi”nin hücumçusu Romelu Lukaku “İnter”ə qayıtmaq istəyir.

Komanda.az “Calciomercato”-ya istinadən xəbər verir ki, belçikalı futbolçu London klubunda onun şəxsiyyətinə münasibətdən narazıdır, ona görə də, mənəvi dəstək hiss etdiyi “İnter”ə qayıtmaq istəyir.

Lukaku 2021-ci ilin avqustunda “İnter”dən “Çelsi”yə 113 milyon avroya transfer edilib. Onun klubla müqaviləsi 2026-cı ilin yayına qədərdir.

Lukaku bu mövsüm İngiltərə Premyer Liqasında 21 oyuna çıxıb, 5 qol vurub və 1 məhsuldar ötürmə edib.