Luis Suares İtaliya nəhənginə təklif olundu

“Atletiko” ilə müqaviləsi iyunun 30-da başa çatacaq Luis Suares “Yuventus”a təklif olunub.

Komanda.az xəbər verir ki, Turin klubu 35 yaşlı futbolçunun transferini düşünür. Bu barədə “La Gazetta dello Sport” məlumat yayıb.

Xatırladaq ki, uruqvaylı hücumçu 2020-ci ildə “Barselona”dan ayrılarkən “Yuventus”a keçə bilərdi. Lakin futbolçu sonda “Atletiko”ya keçdi.

Daha əvvəl bildirilmişdi ki, Suareslə “Fiorentina”, “Latsio” və “Atalanta”, eləcə də, baş məşqçisi Stiven Cerrard olan İngiltərənin “Aston Villa” klubu da maraqlanır.

Bizi Telegramda izləyin