“Liverpul”un futbolçusu karyerası ilə bağlı qərar verib

“Liverpul”un hücumçusu Luis Dias gələcəyi ilə bağlı qərarını verib.

Komanda.az “Express”-ə istinadən xəbər verir ki, kolumbiyalı futbolçu “Barselona”nın marağına baxmayaraq, “qırmızılar”dan ayrılmaq niyyətində deyil.

Diasın “Liverpul”la müqaviləsinin müddəti 2027-ci ilin iyununa qədərdir. Onun transfer dəyəri 85 milyon avro qiymətləndirilir.

28 yaşlı forvard bu mövsüm İngiltərə Premyer Liqasında 34 oyunda iştirak edib, 13 qol vurub və 5 məhsuldar ötürmə verib.