“Tottenhem”dən inamlı qələbə

Futbol üzrə İngiltərə Premyer Liqasında 30-cu tura start verilib.

Komanda.az xəbər verir ki, həftəsonu turun cəmi 4 görüşü baş tutacaq. Qalan 6 oyun isə İngiltərə kubokunun oyunlarına görə təxirə salınıb.

İlk oyun günündə “Vulverhempton” evdə “Lids”lə qarşılaşıb. Beş qolun qeydə alındığı bu oyunda qonaqlar əzmkar qələbəyə seviniblər.

Həftəiçi təxirə salınmış oyunda “Liverpul”a məğlub olan “Arsenal” bu dəfə “Aston Villa”nın qonağı olub. London təmsilçisi səfərdə minimal hesabla qalib gəlib.

Bu tur London derbisiylə diqqət çəkir. “Tottenhem” – “Vest Hem” qarşılaşması həm də, turnir cədvəlində avrokubok zonasından uzaqlaşmamaq baxımından əhəmiyyətli idi. Dörd qolun qeydə alındığı bu matçda “Tottenhem” inamlı qələbəyə sevinib. “Lester” isə “Brentford”la ev oyunundan qalib ayrılıb.

İngiltərə Premyer Liqası, 30-cu tur

18 mart

Vulverhempton – Lids 2:3
Qol: Conni, 26. Trinkao, 45+11 – Harrison, 63. Rodriqo, 66. Aylinq, 90+1.

19 mart

Aston Villa – Arsenal 0:1
Qol: Saka, 30.

20 mart

Lester – Brentford 2:1
Qol: Kastan, 20. Meddison, 33 – Vissa, 85.

Tottenhem – Vest Hem 3:1
Qol: Zuma, 9-öz qapısına. Son, 24; 88 – Benrahma, 35.