Klopp Bekkerin vəziyyətindən danışdı

“Liverpul”un zədəli futbolçusu Alisson Bekker yaşıl meydanlara qayıtmağa hazırlaşır.

Komanda.az klubun rəsmi saytına istinadən xəbər verir ki, zədəsini sağaldan braziliyalı qolkiper bazar günündən etibarən komanda ilə məşqlərə başlayacaq. Alissonun vəziyyəti haqqında danışan Mersisayd təmsilçisinin baş məşqçisi Yurgen Klopp, bunları deyib:

“Alissonun artıq sağaldığını demək olar, amma son sözü komandanın həkimləri deyəcək. Onun “Şeffild Yunayted”lə oyunda iştirak etməyəcəyi dəqiqdir, amma o, demək olar ki, zədəsini sağaldıb”.

Alisson Premyer Liqanın ilk turunda, “Norviç”lə keçirilən oyunda (4:1) zədələnmişdi.

“Şeffild Yunayted” – “Liverpul” oyunu sabah, saat 15:30-da start götürəcək.