İngiltərəli futbolçu narazıdır – “Liverpul”u tərk edə bilər

“Liverpul”un yarımmüdafiəçisi Harvi Elliot bu yay komandanı tərk edə bilər.

Komanda.az xarici KİV-ə istinadən xəbər verir ki, 21 yaşlı futbolçu bu mövsüm məhdud oyun müddətindən narazıdır və növbəti transfer pəncərəsində “qırmızılar”ı tərk etməyi düşünür.

Elliotla qışda “Brayton” və Dortmund “Borussiya”sı maraqlanırdı.

İngiltərəli yarımmüdafiəçi bu mövsüm bütün turnirlərdə 17 oyun keçirib, 3 qol vurub və 1 məhsuldar ötürmə edib.