“Liverpul” niderlandlı futbolçu ilə bağlı qərar verib

“Liverpul”un yarımmüdafiəçisi Rayan Qravenberx mövsümün sonunda komandanı tərk etməyəcək.

Komanda.az xarici KİV-ə istinadən xəbər verir ki, niderlandlı yarımmüdafiəçi komandada özünü rahat hiss edir və yeni baş məşqçinin rəhbərliyi altında özünü göstərməyə çalışacaq.

“Qırmızılar”ın hazırkı baş məşqçisi Yurgen Klopp bu mövsümün sonunda klubu tərk edəcək.

Qravenberx “Liverpul”da 34 oyun keçirib, 4 qol vurub və 2 məhsuldar ötürmə edib. Onun klubla müqaviləsi 2028-ci ilin ortalarına qədərdir.