İngiltərə klubu Dibala üçün danışıq aparır

“Roma”nın hücumçusu Paulo Dibala karyerasını İngiltərədə davam etdirə bilər.

Komanda.az “Il Romanista”-ya istinadən xəbər verir ki, 31 yaşlı futbolçu ilə “Liverpul” ciddi şəkildə maraqlanır.

Mersisayd təmsilçisi artıq argentinalı forvardın nümayəndəsi ilə əlaqə saxlayıb.

Dibala 2025-ci ilin martından bəri zədə səbəbindən meydana çıxmayıb. Onun “Roma” ilə müqaviləsinin müddəti 2026-cı ilin iyununa qədərdir. O, 2022-ci ilin yayından etibarən paytaxt klubunun formasını geyinir.

Dibala son A Seriyası mövsümündə 24 matçda iştirak edib, 6 qol və 3 məhsuldar ötürmə ilə yadda qalıb.