“Real”a rəqib olmağımız gözəldir” – Alkantara

“Liverpul”un futbolçusu Tyaqo Alkantara açıqlama verib.

Komanda.az xəbər verir ki, AS nəşrinə danışan ispaniyalı yarımmüdafiəçi, Çempionlar Liqasının 1/4 final mərhələsində “Real”a rəqib olmaları haqda bunları deyib:

“Bu turnirdə qələbə qazanmaq hər zaman çətindir. Çempionlar Liqasını qazanmaq ilin ən diqqət çəkən hadisəsi olur. Hazırda turnirin 1/4 final mərhələsindəyik və bütün oyunları qazanmaq, finala qədər getmək istəyirik. “Real”a rəqib olmağımız gözəldir. Yaxşı püşkdür, fantastik komanda ilə oynayacağıq və rəqibə hörmətlə yanaşırıq”.