“Çempion olmaq istəyirik, ancaq…” – Mane

“Liverpul”un futbolçusu Sadio Mane İngiltərə Premyer Liqasının 10-cu turunda “Tottenhem”i məğlub etdikləri oyundan sonra fikirlərini bildirib.

Komanda.az İngiltərə mətbuatına istinadən xəbər verir ki, seneqallı hücumçu, 2:1 hesabıyla qələbə qazandıqları matçı belə şərh edib:

“Hər qələbə bizim üçün önəmlidir. Çempion olmaq istəyirik, ancaq indi bu haqda danışmaq üçün çox tezdir. “Tottenhem” hesabı açanda geri dönüş edə biləcəyimizə inanırdım. Qələbəyə layiq idik. Penalti epizodunun düzgün qərar olduğunu düşünürəm”.