“Onun qol vurması üçün çox çalışdım” – Salah

“Liverpul”un futbolçusu Məhəmməd Salah Çempionlar Liqasında “Zalsburq”u məğlub etdikləri oyundan (4:3) sonra fikirlərini bildirib.

Komanda.az xarici mətbuata istinadən xəbər verir ki, misirli oyunçu, qələbə qazansalar da, tam formada olmadıqlarını deyib:

“Bəzən işlər planladığınız kimi getməz. Hesab bərabərləşəndə vəziyyəti düzəltmək üçün kifayət qədər təcrübəmiz var idi. Bu gün qələbə qazandıq, ancaq hələ tam formada deyilik.

Roberto Firminonun ad günü idi. Onun qol vurması üçün çox çalışdım. Ancaq o, iki məhsuldar ötürmə etdi”.