“Karantindən sonra futbol fərqli görünür” – Klopp

“Liverpul”un baş məşqçisi Yurgen Klopp İngiltərə Premyer Liqasının 30-cu turunda “Everton”la qolsuz bərabərə qaldıqları matçdan sonra fikirlərini bildirib.

Komanda.az xarici mətbuata istinadən xəbər verir ki, alman mütəxəssis, gərgin oyun keçirdiklərini deyib:

“Karantindən sonra futbol fərqli görünür. Əsl mübarizə oldu. Hər iki komanda derbi keçirdiklərini göstərdilər. Oyun gərgin idi, çoxlu güc sərf etdik. Qol imkanlarımız elə də çox olmadı. “Everton” qapımızda təhlükəli epizodlar yaratsa da, ümumilikdə üstün tərəf biz idik. Rəqib yaxşı müdafiə olundu”.