“Liverpul”un 85 milyon avroluq transfer hədəfi

“Liverpul” heyətini gücləndirmək üzərində işləyir.

Komanda.az “La Gazzetta dello Sport”-a istinadən xəbər verir ki, Merseysayd klubu “İnter”in hücumçusu Markus Türamı transfer etmək istəyir. Eyni zamanda, 27 yaşlı Türamın mövcud müqaviləsində böyük alqı-satqı şərti olduğu qeyd olunur: 85 milyon avro.

Türam cari mövsümdə “İnter”də 15 rəsmi oyun keçirib, 8 qol vurub və 5 məhsuldar ötürmə edib.