“Liverpul”un 2 futbolçusu ərəblərin əsas transfer hədəfidir

“Liverpul”un futbolçuları – 31 yaşlı qapıçı Alisson Bekker və 31 yaşlı Məhəmməd Salah Səudiyyə Ərəbistanı klublarının əsas transfer hədəfləridir.

Komanda.az xəbər verir ki, bu barədə “The Guardian” məlumat yayıb.

Səudiyyə Ərəbistanı klubları öz çempionatlarının səviyyəsini yüksəltmək üçün bu yay növbəti transferlər dalğası edəcəklər. Salah və Alisson ərəblərin ilk diqqət yetirəcəyi futbolçulardır.

Alisson Bekker bu mövsüm bütün turnirlərdə 31 qarşılaşmada iştirak edib, onlardan 10-da qapını toxunulmaz saxlayıb. Salah bütün yarışlarda 43 oyun keçirib, 25 qol vurub və 14 məhsuldar ötürmə edib.