“Liverpul”u tərk etməyə hazırlaşır – Alissonla rəqabətdə uduzan qapıçı

“Liverpul”un qapıçısı Kaomhin Kelleher komandasını tərk etməyə hazırlaşır.

Komanda.az xəbər verir ki, bu barədə “Tribal Football” nəşri məlumat yayıb.

İrlandiyalı qolkiper daha çox oyun vaxtı əldə etmək istəyir, ancaq o, braziliyalı həmkarı Alisson Bekkerlə rəqabətdə uduzur. Gürcü qapıçı Giorgi Mamardaşvilinin komandaya keçidi ilə əlaqədar onun “qırmızılar”da perspektivləri daha da zəif görünür.

Kelleher 2019-cu ilin yayından “Liverpul”da çıxış edir. Onun bu klubla hazırkı müqaviləsi 2026-cı il iyunun sonunda başa çatacaq.