“Asan deyildi, amma düzgün qərar verdim” – “Liverpul”dan ayrılan futbolçu

“Liverpul”dan “Zenit”ə transfer olunan Deyan Lovren açıqlama verib.

Komanda.az xəbər verir ki, Rusiya təmsilçisinin rəsmi saytına danışan xorvatiyalı müdafiəçi, keçidiylə bağlı bunları deyib:

“Zenit”ə keçidim həyatımdakı vacib qərarlardan idi. Mən komandasını tez-tez dəyişən futbolçulardan deyiləm. Qərarı vermək üçün yaxşı düşündüm. Asan deyildi, amma düzgün qərar verdim.

“Liverpul”da bacardığım hər şeyi etdim. Düzdür, bəlkə də, daha çox şey verə bilərdim komandaya, amma hər zaman da ən yaxşısını etdim. Yaşadığım şeylərə görə peşman deyiləm. Xoş günlərimiz də oldu, ağır məğlubiyyətlərimiz də oldu, heç nə səbəbsiz olmur. Bütün bunlar məni daha da yaxşı etdi və “Liverpul” karyeramla fəxr edirəm”.

Lovren “Zenit”lə 3 illik müqavilə imzalayıb.