“Liverpul”da ciddi itki

İngiltərə çempionu “Liverpul” Premyer Liqanın 5-ci turu çərçivəsində qarşılaşacağı “Everton”la oyuna ciddi itki ilə çıxacaq.

Komanda.az xəbər verir ki, yarımmüdafiəçi Nabi Keyta bu oyunda “qırmızılar”a kömək edə bilməyəcək.

Bu barədə klubun rəsmi saytı məlumat yayıb. 25 yaşlı qvineyalı futbolçunun fiziki hazırlığı qənaətbəxş hesab olunmur. Bu üzdən də məşqçilər korpusu bu oyunda Keytanın xidmətindən yararlanmayacaq.

Qeyd edək ki, “Liverpul” “Everton”la bu gün səfərdə üz-üzə gələcək.