“Nottingem Forest” “Liverpul”a qalib gəlsə, çempionluq uğrunda mübarizə aparacaq”

“Liverpul”un sabiq futbolçusu Cimi Karrager Premyer Liqada üçüncü yerdə qərarlaşan “Nottingem Forest”in perspektivlərindən danışıb.

Komanda.az “Sky Sports”-a istinadən xəbər verir ki, ingiltərəli keçmiş müdafiəçi, “Nottingem Forest”in növbəti turda “Liverpul”a qalib gəlsə, çempionluq uğrunda mübarizə aparacağını bildirib:

“Nottingem Forest” növbəti turda “Liverpul”a qalib gəlsə, çempionluq uğrunda mübarizə aparacaq. “İlk beşlik” UEFA Çempionlar Liqasına düşərsə, o zaman onların oraya getmək üçün böyük şansları var”.

“Nottingem Forest” ehtiyatda oyunu olan lider “Liverpul”dan 6 xal geri qalır. Bu komandalar Premyer Liqanın növbəti turunda, yanvarın 14-də qarşılaşacaq.