“Liverpul”a Koutinyo ilə bağlı məsləhət

Son zamanlar “Barselona”da göstərdiyi oyuna görə tənqid olunan və cari mövsümün sonunda komandadan ayrılacağı deyilən Filippe Koutinyo ilə bağlı “Liverpul”a məsləhət verilib.

Komanda.az İspaniya mətbuatına istinadən xəbər verir ki, “Liverpul”un keçmiş futbolçusu Cimi Karraqer, Mersisayd təmsilçisinin Koutinyonu transfer etməli olduğunu deyib:

“Liverpul”un uyğun məbləğ qarşılığında Koutinyonu geri qaytarmaq imkanı varsa, mütləq bunu etməlidir. Komandaya belə bir futbolçu lazımdır. Hazırda “Liverpul”da Koutinyo kimi bir futbolçu yoxdur. Adam Lallana və Xerdan Şakiri var, amma bu futbolçu tamamilə başqa səviyyədədir. “Mançester Siti”də Bernardo Silva, David Silva və Kevin de Bruyne var, “Liverpul”un isə belə futbolçusu yoxdur”.

2018-ci ildə 145 milyon avro müqabilində “Barselona”ya transfer olunan Koutinyo, bu mövsüm iştirak etdiyi 53 oyunda 11 qol vurub, 5 məhsuldar ötürmə edib.