“Liverpul” yeni transferini rəsmən açıqladı

“Liverpul” klubu PSV-dən niderlandlı hücumçu Kodi Qakponu transfer edib.

Komanda.az klubun rəsmi saytına istinadən xəbər verir ki, 23 yaşlı futbolçu şəxsi müqaviləyə razılıq verdikdən və tibbi müayinəni uğurla tamamladıqdan sonra qış transfer pəncərəsinin əvvəlində Premyer Liqa təmsilçisinə qoşulacaq.

O, “Liverpul”da 18 nömrəli formanı geyinəcək.

Kodi Qakpo bu mövsüm Niderland çempionatında 14 oyun keçirib, 9 qol vurub və 12 məhsuldar ötürmə edib.

Qakpo Niderland millisinin heyətində DÇ-2022-də 5 oyun keçirib, 3 qol vurub.