“Arsenal”dan inamlı qələbə

04/02/2019 | 00:50

İngiltərə Premyer Liqasında 32-ci tura yekun vurulub.

Komanda.az xəbər verir ki, ilk oyun günündə 7 qarşılaşma keçirilib. Turun açılış oyununda lider “Mançester Siti” “Fulhem”in qonağı olub və inamlı qələbəyə sevinib.

“Mançester Yunayted” isə “Uotford”la qarşılaşıb. “Qırmızı şeytanlar” da turu qələbə ilə başa vurublar.

“Çelsi” bu turda “Kardiff Siti” ilə üz-üzə gəlib. London təmsilçisi bu oyundan əzmkar qələbə ilə ayrılıb.

31-ci turun mərkəzi görüşü Mersisaydda oynanılıb. “Liverpul” “Tottenhem”lə qarşılaşıb. Qarşılaşma meydan sahiblərinin qələbəsiylə yekunlaşıb.

Son oyun günündə bir görüş baş tutub. “Arsenal” doğma meydanda “Nyukasl”la üz-üzə gəlib. London təmsilçisi bu oyunda inamlı qələbəyə sevinib.

İngiltərə Premyer Liqası, 32-ci tur

30 mart

Fulhem – Mançester Siti 0:2
Qol: B.Silva, 5. S.Aquero, 27.

Brayton – Sauthempton 0:1
Qol: Hoybyerq, 53.

Bernli – Vulverhempton 2:0
Qol: Koadi, 2-öz qapısına. Maknil, 77.

Kristal Pelas – Haddersfild 2:0
Qol: Milivoyeviç, 76. Aanholt, 88.

Lester – Bornmut 2:0
Qol: Morqan, 11. Vardi, 82.

Mançester Yunayted – Uotford 2:1
Qol: Reşford, 28. Marsyal, 72 – Dukure, 90.

Vest Hem – Everton 0:2
Qol: Zuma, 5. Bernard, 33.

31 mart

Kardiff Siti – Çelsi 1:2
Qol: Kamarasa, 46 – Aspilikueta, 84. Loftus-Çik, 90.

Liverpul – Tottenhem 2:1
Qol: Firmino, 16. Alderveyreld, 90-öz qapısına – Moura, 70.

1 aprel

Arsenal – Nyukasl 2:0
Qol: Remsi, 30. Lakazett, 83.