Slot: “Kloppla ümumi bir istəyimiz var”

“Liverpul”un baş məşqçisi Arne Slot komandasının nəticələri barədə danışıb.

Komanda.az xəbər verir ki, TNT-yə açıqlama verən niderlandlı çalışdırıcı bunları deyib:

“Çox qələbə və ya buna bənzər bir şey gözləmirdim. Yeni kluba gələndə komandanın ən qısa zamanda standartlarınıza uyğun oynamağa başlamasını, ideyalarınızı daha tez çatdırmaq istəyirsiz.

Yurgen Kloppla fərq? Onun komandaları yüksək pressinqdən istifadə etməyi xoşlayır və bəzən formalaşma fərqli olur. Ancaq ümumi bir istəyimiz var: ikimiz də mümkün qədər çox qol vurmağı sevirik! “Liverpul”un məni Niderland çempionluğuna görə deyil, oyun tərzimə görə seçməsi mənim üçün vacib idi”.

“Liverpul” hazırda Premyer Liqada və UEFA Çempionlar Liqasında turnir cədvəlinə başçılıq edir.