“Liverpul” Salahı əvəz edəcək oyunçunu seçib

“Liverpul” “Real”ın vingeri Rodriqo ilə maraqlanır.

Komanda.az “El Nacional”-a istinadən xəbər verir ki, baş məşqçi Arne Slot üçün Rodriqo Məhəmməd Salahın ideal potensial əvəzedicisidir.

Braziliyalı oyunçunun tempi, driblinqi və bitiriciliyi niderlandlı çalışdırıcının İngiltərə klubunda həyata keçirməyi hədəflədiyi oyun tərzinə uyğun gəlir. Gəncliyi və inkişaf potensialı onu mersisaydlılar üçün uzunmüddətli strateji sərmayəyə çevirir.

32 yaşlı Salahın müqaviləsi yayda başa çatacaq və misirli hücumçu bu yaxınlarda klubun onunla müqavilənin uzadılması ilə bağlı danışıqlar aparmadığını bildirib. Rodriqonun növbəti yay bazarında “Liverpul”un prioritetlərindən biri olacağı söylənilir.

24 yaşlı futbolçu bu mövsüm “Real”ın heyətində 21 oyun keçirib, 5 qol vurub və 4 məhsuldar ötürmə edib.